歐洲國家盃開鑼啦，分組賽階段，B組被譽為「死亡之組」，兩支熱門將會碰頭，西班牙對上克羅地亞。
狂牛兵團一直着重傳控，U21主教練迪拉富安迪接手上任後，打法比以往直接，倚靠邊路進攻。來自巴塞隆拿嘅小將拉明耶馬技術精湛且能傳善射，今季出戰50場各項球會賽事，取得7入球10助攻；加上左路亦有尼高拉斯威廉斯分擔進攻，相信能夠喺克羅地亞身上至少拎到1分。
克羅地亞每逢大賽都能夠發揮好表現，年屆38嘅莫迪歷再一次率領克羅地亞黃金一代出戰歐國盃，但陣中有不少老將如高華錫、波索域及比列錫等。一直以耐力同意志力見稱嘅格仔兵團，未知今屆歐國盃能否捱到最尾階段，今場對住小組中實力較強嘅西班牙，相信會穩陣行先。佩芝