圖庫曼狀態下滑
周二朝早阿甲，圖庫曼體育會主場迎戰堤格雷。主隊目前排聯賽前列，而堤格雷就陷入降班危機，睇落兩隊實力屬於唔同層次，但其實阿甲球隊實力接近，而且圖庫曼體育會狀態回落，近期輸多贏少，反觀堤格雷則狀態冒起，今場堤格雷讓球客勝值得捧場。（HOY TV 76周二早上8時直播）
客軍近6聯賽僅1敗
圖庫曼體育會經歷7月底至8月高潮後，近期打回原形，對上5場聯賽只係贏過1場，對住貝格拉諾同河床分別被攻入4球，兩閘祖安恩法迪同真奴佩雷斯嘅受傷影響唔細，佢哋今場仍然缺陣，圖庫曼體育會防線畀唔到人信心，想贏波有一定難度。
堤格雷目前喺阿甲盃及阿甲兩階段總積分排包尾，降班危機嚴重，為逃出生天球員鬥志十足，近期成績有明顯提升，近6場聯賽有2勝3和1負，包括贏過聖達菲聯同颶風隊兩支前列分子。睇番堤格雷近4次同圖庫曼體育會對壘，堤格雷亦有2勝2和不敗佳績，今場有信心可以喺主隊身上搶分。