世盃外亞洲區賽事重開，第3圈Ｃ組上演搶分戰，先嚟澳洲主場鬥中國（港台電視32周四下午5時10分直播）；晏啲仲有榜首大戰沙特阿拉伯主場火併日本，為爭出線資格，肯定打甩髀。（港台電視32周五凌晨2時直播）
日本撻着反轉沙特
先講澳洲對中國，被視為出線熱門嘅「袋鼠兵」頭兩場僅得1分，主要係進攻啞火，原領隊艾萊特辭職，改由普波域領軍，佢接手後重組球隊，班球員又要磨合，想大勝而回唔係咁易。中國兩戰皆北排小組榜尾，今場更有武磊因傷冇隨隊，可謂雪上加霜，唯一目標係做好防守。澳洲近4場3次開2球或以下，入球唔慌多，3.5球入球屬細穩陣之選。
至於重頭戲沙特對日本，沙特雖搵嚟文仙尼執教，但球隊表現麻麻，同樣對住中國，沙特上場只能險勝2比1，日本則輕鬆大炒7比0，高下立見，加上日本近況着晒火，近4場至少贏5粒或以上，讓一球照撐上盤。