亞冠精英盃周二凌晨上演重頭戲，上屆盟主艾阿恩主場迎戰沙特阿拉伯勁旅希拉爾，呢場係上屆4強翻版戰，當時艾阿恩兩回合計，以5比4淘汰希拉爾並最終奪冠，不過依家兩隊氣勢差天共地，希拉爾復仇心切唔會留手，讓球盤讓一球，照捧上盤。（HOY TV 76周二凌晨零時直播）
艾阿恩上屆亞冠盃4強，憑住3個12碼爭議性淘汰冠軍熱門希拉爾，令球迷大跌眼鏡。但係呢支阿聯酋勁旅今屆演出下滑，頭兩輪只拎得1分，而且被對手轟入5球，疲弱防線好難頂得住希拉爾超強火力。艾阿恩喺聯賽同樣失準，依家只排中游位置，球員狀態同信心都處於低谷。
11連勝弗到爆
希拉爾自從4月輸畀艾阿恩後，至今冇喺任何正式比賽輸過波，依家更踢出11連勝走勢，最近7場正式賽事作客全勝，當中5次都贏2球或以上，阿歷山大米祖域、馬爾甘、魯賓尼維斯等世界級球星光芒四射，實力堪稱係亞洲球壇之巔，今仗佢哋誓要報番上屆出局之仇，全力撐上盤！文:工廠仔